Eigi Seireng Wareng Maru- Ode to Shri Biren

Lairaba Eigi yenakhada
eina seireng wareng maru khara hunjei
kharana Kamal, kharana Chaoba
kharana Biren kouwee maru singdo
eramdam da lok pa ngaktanni

Nakenthana Lakpada
mapung marei fana hourare
masa mareng sandorak-e
yumlonnaba mayamna maton thatpa lak-e

Moina hai Kamal ga Chaobana haowee
lapphu erombada kotpa yai fakpai gum
hawai thrak maton gum kangsoi thogbada hapasu yai

adubu ei na haojabadi Biren ni
maiba na hai
ma charabadi Laiming louba yade
madi laida katpasu fatte
adubu eina haobadi masina khara khak helle

dated -may 2009

Feijup

Fanek-na!

Ei Huranba amani

ei huranba ama ni
pikli ngeidagi ema gi fiji dagi chandi chappi huranlak e
ngasina achit akom yengli taibang gi
leshabi gi, chak nibagi, ashibagi, eigi segairaba chapal gi

hotnari egey seireng kaya eina hu ba fangdraba pot kayagi

magi minoktu huraga
eigi seireng da hapke khankhi
adubu nongma nongma asum asum kha ba henjanlak lakli
magi saktam magi khonjel magi minok

seireng su khaamkhre

Huranba gi seireng wareng leiramgani noibu thajabra
sina ahanba natte sina aroibasu natte
pumnamak huranbani

Una na haiba humba uraga eina huranduna
seireng eri
Esagi pirang gi fong fong saba bu ashibagi ayingbaga
changdam najari athengba ahinggi mikup si huranduna

cheina kayani huraningbagi ngasi eina khangliba
tasengna migum fongna huranba heiradi
eigisu yum wangnina,,,
adubu eigidi asum asum thagatlakli
fongba ngamdraba seireng gi leikhaboi gi chena na

ei huranbani
Huranbana ethouni
adunani eina taibang bu yengliba
ahongba naiba magi kachin ashida
tasanduna ningang famduna
churup thaktuna leiriba

thabal chongba

Mapung faraba thabal gi mangal da

mongfamgi sii siri ba meitan gi akoibada

chongli thabal ashiba singna

kana nabu thinba dhol gi makholno

onthokna bu taan chakhre

kharana hai dhol natte nongmei bomb gi makholni

thunglaba lepte ashiba kayana

thabal adu yaonaba

makhal mathel gi ku da younarak-e

nang houroi matagum

sor thabet thabet honduna

potfam fambidi ude

potyonba kharadi ui

wa, la, candle dhup tani mona yonliba

chongli thabal ashiba kayana

mayep tagi laorak-e

“Nupi watpana maram oiduna

nupi ani gi marakta nupa ahum ahum paigadabani”

ashiba gi thabal da khatna cheinaba thokte

mong hadana luk tha luk tha chongbani

dhol gi makhol da thawaina chongbani

pakhang amana hangi

mana pairiba leisabi duda

“nang na kamdouna leikhidabano”

Leisabi duna khumak-e

“hoine thabal ne hairaga wari houraktabasibo

kari pakhang no khanlamlibani

ei di khutlaipaiba mayam na rape chingda rape tourambani

madudagi khun gi mi wa meisa khangba ngamdaduna

liraba heibi upal dugi makhongda thouri yanlaga shijabani”

“Nangna kamdouna leikhidaba” hangi chingi leisa duna

marak tuda ahal oirap touba ama changak aga hai

“ngeihak ta paijage yagadra”

pakhang duna thuna khumak-e

“paibiyu paibiyu yani”

leisabiduna nakhuttu pirak uh kadai hai

ahal duna koi yeng yengi magi akoibada aduga

khangprek khangna hairak-e

heima eigi khuttudi bomb pokhaibam da tahoura malle yaoramdrene leisabi

masi hairamlaga ahandu ningba kaina chatkhi...

lakhone

Lakhone nangbo amuktangdi

lirage likhidriba eigi wari sing

taning drabane ha

numidang wairamgi mekrup manam rakta

abokna mangon da famduna hidak chafu

pudrup pudrk chingba

eina tummina changakpa

charu na yatlaba khubom machaduna

thangduna yetnakhada lotkhiba...

Aumtangdi lakhone nangbo

chatkabrane nangbo

Imphal turel mapan gi lei ngoigi harou

ei na kayada pamjana fakhiba

saraba kalen gi nungsha

feijom thokna ei amadi eig marup

lakhone nangbo

hangampan machudu setlaga

sanrei gi leikol du puduna

ei gi thainagi leirang amanbido

khwairakpam chaobadagi huranbani

amuk tinkhre madi

eina paningdraba seireng gi leimaida

sangari g makhol tabada thongal da chenthok amba eini

ar ti ti haina haihougadagi

ngasidi heining dre ei

amuktnag di lakhone

takhoni

eina sining ba gi wairise

sining bag maram di khangde

thouri leitaba

anemba dolan da leibasina siba ngamdabagi

maram oiraga hingbasi nangdi khanglamgani

lakhone nangbo

famlasi loubuk ki mayaida nangda eiga

ningthamthe gi nungsha da nobap maru masng thikhis

takhone amuktangdi

eina thaina ngakhiba magi warido

nongalamda thawanmichakki atiya makhada

mongfam dugi nakan da famduna

lumlava thamoi bu englaba unsha na kuptuna

lakhidaba nnatte mahak ti

mamit epom pom

cycle thouduna

nongmadi ukhi mahakto lamlong bazzaar da

cha hoten amada

laibak thibadi nupa amasu yaowi nakanda magi

numitudagai eina mabu laknakhi

thengnaba khuding lambi mataidagai eina laowi

“Maipak pi , kadai eigi thang

yeknabana landaraklisi nangdi udabra

kadai maipakpi eigi thang

kadai,,,”

Mana hairammi “Akhu, yairong du munlee”

numitudagi eigi ming yairong koukhi

magi na mapakpi leikaigi mina

Nangshu chatkhre

Nangsu chatkhre

mayam pumnamak kum

adubu eigi eral ni

eina nagori ngei

eina mirol londaba matam da thengnarubagini

nouna chenbada ngairiba

pakhang leisabi gi wari marak ta

nangi eigi wari su yaorak li handak marak se tattana

ngasisu emangda chongthok tuna leplei nangna

nang nasa di khangjadana

fanek hangam mapan machuni

nangna setlambado

nangbu kao ge hotnarasu ngamdraba

ei gi thamoi na khanli

hangampal machu nangna setlibasi

eina hangampal machu pammi haikhibagi oiridra

adubu oirammoi su khangi

thamoi hairedana

changjafam nungaifam thibadani mani khangliba

Eigi thamoina kairingei

nangi piklaba chenglaba thotlaba khutuna

khomjanbige hotnarammi

adubu kaibadana pakcharaba thamoise

amukka henna machet thokna kaire

nangna chatlage haina chatkhibada

sahar gi mamlaba atiya makhada

dolan gi mathakta yu ngaoba eina

khongkhiba sur tadaba pena gi makhon ado

mingonda tamthokkanuko

nangbu khanghange fukkhiba Qutub Minar

Ema da nattana atoppa da amuk liruganu

ataba mina nokani eibu ubada

nokningdra eise!

masina aroibani haina haina mathangdasu amuk erakhini

asigumba wahanthok yaodraba seireng la wareng la gyan tadaba kaya ama

eigina haibada leijaribasi masi mangaire

natte! tumba yadaba haiba amasu leijari ...

tumde ngasisu

hayeng su tum loi khangi

warasu wanna khara khangbiro

thabat hek thadatpadudi ngamdadana toubani

ngasi su tarine nangbo

siri siri nangna feijup manungdagi

“Da khu ” haina kourakpa

eina kayada nungshikhiba

houjikta ningamlaktre

lamjasara

Numit se leitharakle

leithok uh angangba whiskey bottle gi makhum ado

nathamoina pendrifao thak uh ko

aduga

ningaidana khongliba ahing gi hui gum

khonglucho nangsu nakhon na sidrifao

orucho, kaplucho

Taibangna na laoraktrifao

“Hey Lamjasara” haina

Sahar gi mafam khuding chatlucho

thirucho Oktaba Oktabi gi khangpoksang

podon gi mangal da thambal leika khairucho

hakchang na meishut manam chendrifao

hey lamjasara

korouna haigatlakpada

nangsu haigatlakkani

amuk chatkani nangna

ashiba ga pangkhak oiraba hakchang ado soro soro chingduna

nokani pukchel chaoba ba moi gi matou tamduna

enakhunba kaya bu uraga nangna nungairi haigani

hey lamjasara

nafi thoktuna chatlu nangdi

lairabani nangdi lamjasara

kappadana pakchei

kapkadabani nangdi lamjasara

nang gi ena lamjao sorok ta teirabasu

khangani makhoina monda nungaiba kana gi kwa dang ni

nang gi humang na chotlabasu malem leimada

khangloi makhoina humang gi ayakpa

ngaiyu numitna leitharakpa

nathabak tu segairaga heijanlu yu adu penna

aduga lambi gi chidai da ashibagum tumthok uh

nang na hingba nangna kappa

mari leinade taibang asiga

taibang si di makhogini

sathek penna thekliba lin mabuk kangbi

khuthek chumna theklibi jagoi sabi makhoigini

tan channa pung thinliba kokyet yetpa makhoigi

punlondani taibang na chatliba

nangdi lamja ni

hey lamjasara

Ashiba Masing Thiba

Ngasi ayuk eigi yumgi yenakhada

ashiba kaya taduna leirammi

masing thingamde ..

eigi echa nupi Renee kouthok tuna eiga thiminei

ashiba masing

masu ngeihak thiram laga lairik parukhige changkhi

ei etomta thihouwi...

“kakcheng ashiba bu kana masing thinjei age

heima haying su yaorine,

sina wahi ni

sina mukthrubi ni

sina sendrangni .....”

eigi nupi na hai parap parap thorak aga

aduga sumchit paiduna loina sumang maton tanna wai sitok khi

wari ashi lalhou lup ama na khabar paoche fongba thingbada gi thokhibani

Ashiba udradi ashibagi pao tadradi leiba yadraba anaba mishak amani ei

aduga kakcheng kharana

ashiba haying ama chingduna chatkhiba uraga

eina khanduna leihouwi

haying ashibagisu morgue ka leiba jatla

post mortem ga tounaba jatla....