Uti Ashangba

pangkhok manado
kupna soiro
aduga chengne mangan kangtakne
khara happo
kamhaladi shangdabani
otladi lengbani
mei lietharaga lonlu

tasengna chatlabra

Nafi yomduna chatliba kadaidano

Panthungfam bu leirabra

Maikei mari leina yengliba

Chamamnaraba taibang bu

Lamangnare khallaba



Nakhong di thangdokhre

Hanjillakaroidaba khongthang oirabadi

Nang-gi panthung ama soidana leigani

Panthungfam aduda nang-gi marup leirakkani

Sakhigani nangi yum ama

Mallaba nang-gi potyomdo do kisi thoktuna

Hangnarakkani makhoina

Nang-gi hourakfam kadaidano

Likhiganu nangna lamsigi wari

Wari liba heitaba nachilduna.



Nangdi tamna chakpa fajaba lammeibu

meisha faona wari libani

nang-gi warida;

yeningtha gi upal da

mi makok oina palli

nakenthada mi makok kelli

yanganglabi imphal turelbu

oijaba thibi oktabini



Nangbu tasengna chatlabra

Kaorabra

Nang ei na chenkhiba loubukta

Charu khok marakta

Sairong maru na urit pu tana.

Charuna yatlaba khubom machasingdo

Chambada thuppado

Khongbal gi aneiba isingda.

Yendou gi nongmei

Wa gi poplaobi.

imphal turel mapan gi leingoida

Harou kaya fakhiba

Hanglaba khuman lampakta

Koukha kakthum kaya tankhiba



Nangbu tasengna chatlabra

Chatlabadi

Ngari mayom simata paikho

Yongchak charong sima

Choktharaba nangi narengban da yankho

Masitani eina leijaba piningai

Ngari mayomduna eigi lemhouriba punshigi warini

Nangna haikhibadai sidri faoba kainaroi

Yongchak charongduna nang eigi pothafam

Yongchak makhong dugi pambidugi maheini



Nangbu tasengna chatlabra

Fare eidi leihoukhige

Sittraba keithel gi kobi gum

Tabinaba leitraba kana leijadaba angang-gi esei gum

Leihoukhige ei

Tumhoukhige mo na thallaba mompak sida

Chatloko nangdi marup

eidi fothoukhige segairaba eigi kangkhal se

Imphal Sahar gi Lairembi

Pakhang oiba eigi fadaba ngamdaba

etouse mana khangba jatni


adunani


mahak amuksu leplare emangda

mafi thondraba hakchangdo thadoktuna

ningthiraba saru polang gumlaba hakchangdo.

makhut ani thangatli pangtinglaba lai gum

makrang fak laga leppi

aduga thik thik houna nok lak e

esisu nok e

masam thadorak e

chinghi manam di namakte

akhuba mamitto laona pangthorak-e

anamba manaton do fandorak-e

sut sut manam nammi nungshitta

eibu yengaga

sak-khangnadaba huina nambagum



amukka nok lak-e

esisu nok-e

adubu eidi lupchaninge

magi mathanungda

amuk taningdre

gari gi kata gi makhol ama


laiwa oiramale

murum murum solli

eibu semjinbire mana

khwangi jantra kenkhre

nonthrei maru gi lik tatkhre

eibu semjinbire mana

eigi mit anida ut chaikhre

piklaba magun yaodraba

khuiraba eigi punshi

asum chaothorak e

asum tek-khatlak-e


ei hiplare

nongmaijing ching

amadi baruni chingi marakta

taothare anouba echel amada

teirare hakchang pumba

leironunggi asaba

kananasu ubidraba mahiduna

mit ani khumsinkhre

magi leichilgumba amuba samlangna

naton su menkhre

magi thotlaba khubakna

chirol tourak-e

“mi ta khini”



aduga

faak faak

houna nok lak-e mahak

Eibu lusam paiduna chingthorak-e

Eigi chimbal eena pum ngang ngangle

Eigi hakchang chokthabana mapa leitre

Kamlak ani thak thak nikle

Naton da namthiba manamna thalle

Emit mangda amuk leplare nokladuna mana

Thadoktuna hakchang-gi kayat pumba

Khudombi thilladuna tak lak –e


Masina namthiraba nambul turel haibaduni

Kamdouwee magi erolnungi ashaba mahi

Masi gi anisina lammei chaklliba nangna kaokhraba chindumbuni

Masina amuba meikhuni mongpham dagi paikhatlakpa

Masina ashibagi khayatni

Emit anisina nangi mingselni

nang na namliba namthiba

manam asina nangi manam-ni

Nangna eigi ewani

Mashi hairaga mahak thik thik nokladuna paikhi

Amanba Hanubigi Fanek

Taha taha chelli mayum tamna
Kanamata leihoude
Lairaba khangpoksang aduda
Macha nupa manga ni
ahumna sikhre
anina soinaire
lukhrabi mamousing mapam da hankhre
chaningngaiga leiraktabane

taha taha chelli hanubido
keithel pot hundok lamduna
mayum tamna
Nonglei lakle
Polangkhokta fouramba mafi lousanba chellinabi

Taha taha chelli
Khuiraba masha do puduna
Khuiraba kamlak aniduna
Keithel pot thangnaba hanubi
asonbi uhmorock yonbida sinarammi

thongal yourak pada ure
polangkhok ehang hangna
mafi amasu fouramdre
tamthiba michang mikhai naidaba
nonglei na humkhre

Sambalei marak ta yengi leite
Yennakhada yengi leite
mallaba kangkhal
Mompakfidak ti eegi yumthakta taramle
Polangkhok na kothare
Fanek tu di kadai chatkhre
Leina yengi leina yengi
Mamit suktoktuna
Nonglei na humlakpa nungjreng marakta


Heitharak le nong
Ee-gi nong
Karino masidi
Yengkhatli atiya tamna
Choktharaba mamittuna
Oh atiya sinba thungna kuphre
Lairabi hanubi gi fanek tuna
Matom ta nok-e
Amuksu khalli thokheidaba matouni
Polangkhok na kanthage laknei
Adubu arembani
Henna kanna chusillak-e

Yu ngaoba Ahal

chatna chatna tukhi bom laona ahaldo
nupa amana sorokki chidai chingillaga thanammi
mafi marol kanthoktuna cycle tonglaga chatkhi

keithel fambi amana amuk cheptharaga yengammi
"yu ngaoba oirammale" hairaga bidi chamkhatuna chatkhi

nambul turelgi hayingkhongyambi mayamna
matin chenthariba machimbalduda chaktari

makhol ama thokhi khanghoude
police mapei mapei lak e
dukan khuding lonkhre
mi takle paona bazaar
Bheigyachandra ga Shamu gata ngaire tomthin ngalliba
hanubi hanuba pakhang leisha pumba kangla pat mapanda leplare
magi magi sengao thandoktuna
setlamba mafi thoktuna utli
karisu lotte karisu yaode.

miyamdo amuk uchi makhulda changnakhre
tapna numitsu leisinkhre

ahaldusu tapna hougatlak-e
makhayatki kharek to teithoklaga
mathanta chatkhi mayum pangna

nongallaga khabar Pai
mathanta solli "Siramnida"

lai amagi wari

lamlong mari fangba amada
eina kokta khut haptuna famlammi
nongchuptana huranba
nongpoktana mihatpa
awangdana lukhrabi
khadana Mongfam

eina famba uhraga
kharana paisa thadarammi
chaknibani khanduna
kharana na cheirammi thina
suningdabani haina..
kharana nongmeinasu nammammi

adubu nachungdre
eigini haibada setliba firol sitanni
thawai sidi eigi natte
makhoina louningba matam da
loukhiba yana leiri

Nongma khanghoude
lai na tharak pa oirammalle
nupa ama lak-ammi
nakongda chirol tourammi
laiwani laiwani hai
eina mit uisinduna tai

"lai gi mafamdadi miyoiba loina chap manei
dharma khaide leita laira khaide
awaba kanano akanba kanano chap manei
nupi nupa khaidana
laina chap manana nungshi"

madi chatkhre nongmaijing ching tamna
laiwa sing do chirol tourammaga

ei ethanta momon noktuna leihouwi
eina fuk hougat laga laowee
"tarabra huranba oktaba
ngasigi taibang mapu oiribasa
lai lai haibado ei oiramme
laiwa sing do tahoudabra...
laigi mafamda dharma khaide
eigidi dharma leite
laigi mafamdadi mi khuding chap manei hai
eigi efamdasu chap manei
laidagi eina henba amadi lei
nupaga nupiga yengnabada
eigidi nupina khara helli nungshiba
masini laida gi eina helliba..

eibu ningu eibu latlu
hey huranba taibang"

loumi

tung mang yet oi
loumi gi loumi mattani
loumi bu nungshiba
loumina thouri yanbada kapchaba
khabar paraga.
loumina chara henbada mapi taba
loimini loumi
nangsu eisu loumini

Louda kumdrabasu
chakcha heija di Loumigi matouni
Louda kumdrabasu
nakhongdu leikhomaktani teiriba
Louda kumdrabasu
kalen meishana nathamoidu kahatpa makhei
seireng eri nakhut nikpa makhei
louda kumdrabasu
thangol gi athouba
yotpak maya gi athouba khangi.

Louda kumdrabsu
kurta litpa assembly hall da fan makhada famba
matu lonba mabuk kangba singna hairi
kumshi di foubot asuk puthokkani
Manipur chaba watlaroi
louda kumdrabasu
lou khaori ahing tumdaba nouna luhonglakpada
ngairiba masak fajaba Nupaduna
Solli tattana engagi nong
kaleng gi nungsha

Louda kumdrabasu
kabi na charu gi migi fajababu thari
louda kumdrabsu
khullang esei sakli yungaoba
macha manga gi mapa duna

loumi ni eisu nangsu
chak chabada yenglabadi
yaningbra etao